Automjeti i Flori Mumajesit është përfshirë nga flakët mbrëmjen e djeshme rreth orës 22:30. Ngjarja ka ndodhur në rrugën “Ymer Kurti”, pranë postës numër 8.
Zjarri mendohet se ka qenë i qëllimshëm, ndërsa për shkak të afërsisë, flakët masive kanë përfshirë edhe dy makina të tjera. Pesë zjarrfikëse shkuan dje në vendngjarje për të mbajtur nën kontroll flakët.
Flori ishte dje i ftuar në emisionin “E diela shqiptare”. Ende nuk ka një informacion të detajuar mbi shkakun e zjarrvënies teksa pritet që policia të zbardhë ngjarjen. Konfirmohet se nuk ka asnjë të lënduar, por vetëm dëme materiale.
