Robbie Williams i ka surprizuar të gjithë duke u shfaqur komplet nudo, në kopertinën e albumit të tij të ri “Under The Radar Volume 2”, i cili do të dalë së shpejti.
Ndërkohë që stadiumi Bentegodi i Verona-s është gati për të pritur këngëtarin, më datë 14 korrik për një koncert madhështor, ishte vetë Willimas që përmes një videoje të publikuar, në “Youtube” ka dhënë lajmin:
“Është një përmbledhje këngësh për të cilat jam ekstremisht krenar, që nuk pata mundësi t’i mbyllja në albumet e shkuara”, është shprehur Williams.
Një pozë nga mbrapa, nudo, ndërkohë që po ngjitet në një pemë. Është ky prezantimi ‘origjinal’ që britaniku u bën këngëve të papublikuara më parë, për të cilat shprehet se janë të mrekullueshme.
Le të themi që nëse edhe këngët do të kenë po të njëjtin efekt, të gjithë do të kënaqen.
