Këngëtari Shkumbin Ismaili ka ndarë me fansat e tij lajmin e bukur se së shpejti do të bëhet baba për herë të dytë. Ai është baba i një djali dhe shumë shpejt pritet që në familjen e tij të vijë edhe një bebe tjetër.
Këngëtari i hitit “Me ty dua të jem” ka zgjedhur ta ndajë me fansat e tij këtë lajm të bukur duke publikuar në Instagram një foto familjare, me bashkëshorten dhe djalin. Në këtë foto bie në sy barku i rrumbullakosur i bashkëshortes së tij.
Ende nuk dihet gjinia e bebes, por e sigurt është që tashmë djali i tij 3-vjeçar së shpejti do të bëhet me një motër apo vëlla të vogël.
