Këngëtari i njohur shqiptar, Freskim Rama është një ndër artistët që po zhvillon jetën e tij profesionale jashtë trojeve shqiptare.
Aktualisht artisti jeton në Amerikë, ku ka realizuar disa projekte muzikore për tregun ndërkombëtar.
Së fundmi, Kimi gjeti rastin që t’i surprizonte të gjithë ndjekësit e tij me foton e publikuar në Instragram ku publikoi një imazh me këngëtaren e famshme, Rihanna-n.
“Shumë i lumtur që të shoh, të dua vajzë”, ka shkruar ai krahas fotos me yllin e muzikës pop.
Rihanna ka pasur një periudhë pauze në muzikë pasi është fokusuar më shumë në biznesin e saj dhe të gjithë po presin me padurim rikthimin e saj me projekte të reja. Përsa i përket jetës personale ajo ka qenë në qendër të mediave rozë për lidhjen e re me A$AP Rocky, i cili ka konfirmuar ditë më parë se ai dhe ylli i muzikës janë në një lidhje dashurie.
Reperi ka folur për herë të parë për marrëdhënien në një intervistë për GQ, ku e ka cilësuar Rihanna-n si “dashurinë e jetës” dhe “gruaja ime”.
Ai nuk dha shumë detaje, por është shprehur se ndihet shumë më mirë në një marrëdhënie.
“Shumë më mirë, kur ke gjetur njeriun e duhur. Mendoj se kur e di, e di. Ajo është e duhura”, është shprehur reperi, teksa është pyetur se si ndihet në një lidhje.
