Pavarësisht se prej 10 vitesh është një emër i njohur i muzikës shqiptare, Dren Abazi vendosi vetëm në dhjetor të vitit të kaluar të mbante koncertin e tij të parë.
Për shkak të numrit të madh të të interesuarve, koncerti i tij zgjati dy netë. Ditën e nesërme ashtu siç është lajmëruar më herët, këngëtari nga Kosova do të ngjitet në një tjetër skenë.
Ai zgjodhi Amfiteatrin e Liqenit për të performuar repertorin e tij në një koncert të quajtur “Mbreti i Natës”, në orën 20:00 të së enjtes së 27 shtatorit.
Nëse jeni të interesuar për çmimin e biletës ajo kushton 1.000 lekë dhe nuk ndryshon në varësi të pozicionit ku do të doni të uleni.
