Përfundimi i mandatit të presidentit amerikan Barack Obama, është pritur me trishtim nga miliona njerëz. Ndërsa zgjedhjet presidenciale po afrohen, shumë njerëz janë shprehur se nuk do të ketë president më të mirë se Obama në krye të SHBA-ve, duke treguar mospëlqimin e tyre ndaj Hillary Clinton dhe Donald Trump.
Barack Obama me integritetin, njerëzimin dhe elegancën e tij, ka fituar një vend në zemrat e të gjithëve, aq sa janë duke numëruar javët e fundit të tij në postin e Presidentit – deri në datën 20 janar 2017. Përballë kësaj situate, këngëtari shqiptar Jon Tarifa, i ka kushtuar një këngë mjaftë emocionuese Barack Obamës.
“Mos shko” titullohet kënga e tij, kushtuar Presidentit të Shteteve të Bashkuara të Amerikës dhe kjo video është bërë hit në rrjetet sociale shumë shpejt.
Vetëm një javë pas publikimit të saj, video është shikuar mbi 14 milionë herë, është shpërndarë e pëlqyer mbi 300,000 herë dhe komentet janë shumë pozitive.
