Këngëtari shqiptar do të marrë pjesë në festivalin “Vina Del Mar”, që mbahet në Kili, ku pritet të performojë përpara 20.000 njerëzve.
Lajmin e bëri të ditur vetë Durim Morina, i njohur me emrin e artit Mirud, i cili njoftoi përmes një postimi në Insta Story se do të marrë pjesë në festivalin më të madhe të muzikës në Amerikën Latine. Festivali mësohet se mbahet gjithmonë në javën e fundit të muajit shkurt.
Në postmin e tij shkruhet se do të përfaqësojë Shqipërinë dhe Amerikën, ndërsa këngën e ka punuar me producentë dhe kompozitorë shqiptarë.
Mirud mësohet se do të konkurrojë me një këngën për kategorinë pop, që teksti dhe muzika e së cilës është realizuar nga Eriona Rushiti, ndërsa miksimi u bë nga Enis Mulla.
Kujtojmë se Mirudi mori pjesë në Festivalin e RTSH-së me këngën “Nënë”. Ai jeton prej rreth 8 vitesh në SHBA dhe duket se po hyn në tregun amerikan të muzikës, ku arriti suksesin më të madh me këngën “Puzzle”.
