Ajo është ndër më të përfolurat kohët e fundit si një tjetër artiste e talentuar shqiptare, që po korr famë nëpër botë.
Pas Ritës, Duas, Bebes dhe Erës, Ava Max është shqiptarja e pestë e cila ka nisur një karrierë ndërkombëtare.
Ajo performoi ditën e djeshme në emisionin “The Ellen Show”, të prezantueses së njohur amerikane, Ellen DeGeneres dhe krijoi një atmosferë shumë të veçantë.
Ndërsa emisioni i djeshëm prezantohej nga aktorja e famshme, Mila Kunis, ajo mirëpriti në skenë këngëtaren shqiptare.
“Ishte fantastike, je e mrekullueshme”, tha Kunis pas performancës së Ava Max, ndërsa shkoi për t’i dhënë një përqafim.
“Sweet but pyscho” është një këngë shumë e njohur dhe ka mbi 257 milionë shikime në Youtube.
Ava Max, emri i vërtetë i së cilës është Amanda Koçi, ka lindur në Amerikë ndërsa të dy prindërit e saj janë shqiptarë, me origjinë nga Saranda.
