Vokalisti i grupit “Asgjë sikur dielli”, Alban Nimani, ka dhënë dorëheqjen publikisht nga Fakulteti i Arteve në Prishtinë.
Albani ka lajmëruar për këtë vendim në një status në “Facebook”, ku sqaron se është sulmuar fizikisht nga një profesor, edhe pse nuk jep detaje mbi situatën.
“Të dashur miq. Dua t’ju informoj se sot, në zyrën e prodekanit të Fakultetit te Arteve, jam sulmuar fizikisht nga një profesor me marrëdhënie të rregullt pune që quhet prof. asoc. Mehmet Behluli. Fal zotit që jam megjithatë person gjakftohtë.
Ky është niveli më i ulët në të cilin mund të bjerë një institucion publik i edukimit, e aq më tepër një Fakultet i Arteve.
Ky institucion ka rënë nën çdo nivel etik, prandaj kjo letër është dorëheqja ime e parevokueshme nga Universiteti i Prishtinës – Fakulteti i Arteve.
Mendoj se Universiteti publik i Prishtinës “Hasan Prishtina” është pjesë shumë e rëndësishme e ekosistemit shtetëror të Kosovës dhe me dhimbje të madhe mendoj se këtë ekosistem e kemi c’k* ***y, prandaj shpresoj se profesorët do t’i harrojnë interesat personale dhe të mendojnë dhe punojnë për fëmijët dhe të ardhmen e këtij vendi”, shkruan këngëtari.
