Këngëtari shqiptar Shkumbin Ismaili është bërë baba për herë të dytë ditën e sotme. Këngëtari u bekua me ardhjen e një vogëlushi në jetë, të cilin e pagëzoi me emrin Brend.
Ishte vetë Shkumbini që bëri të ditur lajmin e ëmbël për fansat, duke publikuar një foto nga spitali, ku shfaqet dora e bashkëshortes së tij dhe një pjesë e imazhit të të sapolindurit.
“Një tjetër dhuratë nga Zoti! Mirë se erdhe Brend”- shkruan krahas fotos këngëtari Shkumbin Ismaili.
Brend është fëmija i dytë i çiftit, pasi ata janë bekuar edhe me një tjetër djalë tre vite më parë të cilin e kanë pagëzuar me emrin Rigon.
