Ai ka shumë fansa të dedikuar që vërejnë gjithmonë gjendjen e tij. Liam Payne publikoi të enjten një foto për fansat e tij të devotshëm, pas palestër.
Fotografia e 22-vjeçarit të One Direction u mbush me komente shqetësuese, për faktin se ai ishte shumë i dobët.
“I dashuri im, po ushqehesh? Dukesh shumë i dobët… gjithsesi fytyra jote duket shumë e lezetshme dhe me Cheryl çdo gjë është ok?”, shkruan një fans.
Ndërsa një tjetër, dukshëm familjare e Liam shkroi: “Isha kaq e emocionuar për “selfie”-n tënde, por duket i vogël dhe i dobët… Po ushqehesh mirë? Mos anashkalo vaktet dhe ji i shëndetshëm të lutem”.
Liam, i cili mori famë gjatë konkurrimit në X Factor, foli vitin e kaluar rreth pasigurisë së trupit të tij gjatë kohës që ishte pjesë e grupit “One Direction”, kur u shfaq me një fytyrë më të formuar.
“Nisa të pija shumë dhe u shëndosha. Në fakt për shkak të kësaj po ofendohesha për peshën, gjë që më lëndoi. Nuk kam frikë të them që kalova përmes një faze të keqe. Dhe për atë kohë në jetën time, ishte perfekte për mua. Ajo ishte çfarë doja të bëja dhe kështu e shijova veten”, shpjegoi ai për revistën “Attitude”. Që prej asaj kohe Liam nisi palestrën dhe nisi të publikonte foto me trupin e tij të formuar.
Burimi: Daily Mail
