Vdekja e Chris Cornell erdhi pasi këngëtari kreu vetëvrasje, duke u varur. Kështu thuhet në shkakun e vdekjes së tij, sipas zyrës së Ekzaminuesve të Mjekësisë në Wayne.
Këngëtari 52-vjeçar, i cili e nisi karrierën e tij me grupin Soundgarden dhe më vonë me grupin Audioslave, u gjet i vdekur pak orë pas performancës së grupit të mërkurën.
Autopsia e plotë ende nuk është përfunduar.
“Chris Cornell vdiq natën e së mërkurës në Detroit, Miçigan. Gruaja e tij Vicky dhe familja u tronditën pasi mësuan vdekjen e papritur dhe të papandehur dhe do të punojnë ngushtë me mjekun për të përcaktuar shkakun. Ata dëshirojnë të falënderojnë fansat e tij për dashurinë dhe besnikërinë e tyre të vazhdueshme dhe kërkojnë që të respektohet privatësinë e tyre”, tha përfaqësuesi i këngëtarit.
Zëdhënësi i policisë tha se, Cornell u gjet në tualetin e hotelit, pasi ishin telefonuar nga dikush në mesnatë. Gruaja e Cornell, Vicky Karayiannis, kishte marrë në telefon një mikun e familjes dhe kishte kërkuar të kontrollonte mirëqenien e bashkëshortit të saj.
“Chris dukej në gjendje të mirë shpirtërore dhe të gjithë janë të tronditur. Ai ishte një njeri shumë familjar. Ai i donte shumë fëmijët”, tha një mik i të ndjerit.
Cornell ka dy fëmijë me gruan Vicky Karayiannis, vajzën Toni, 12 vjeç dhe djalin Christopher, 11 vjeç, si dhe vajzën Lillian, 16 vjeç, nga martesa e tij e mëparshme me Susan Silver.
Burimi: People
