“Xhensila” titullohej kënga nga këngëtari i ri Blerand, dhe jo pa qëllim mbante këtë titull. Kënga jo vetë që mbante emrin e saj por i dedikohej plotësisht Xhensila Myrtezajt. Shumë mirë deri këtu por ka vetëm një problem të vogël: Xhensila është e martuar!
Ka qenë vetë Blerando, i cili në një intervistë për emisionit “Abc e mëngjesit” ka zbuluar reagimin e Bes Kallakut.
“Për Xhensila Myrtezajin e kam këngën. Është pak provokuese. Besi ka reaguar në Instagram, më ka dërguar disa ‘smile’. Xhensila nuk ka reaguar ende. E zgjodha si emër për marketing. Kjo këngë ka pasur shumë sukses”- tha ai.
https://youtu.be/4r5ejlaPD-Y
Këngëtari u shpreh se ndonëse i lindur dhe i rritur në Gjermani, tekstet e këngëve preferon t’i shkruajë në shqip pasi ashtu i vijnë më mirë.
“Kur kam filluar këngën e parë, më ka ardhur më lehtë për ta shkruar në shqip se ka të bëjë me ndjenjat. Nuk e kam gjetur veten për të shkruar në gjermanisht, megjithatë kënga e re që do të publikohet ka një rresht në gjermanisht”- u shpreh Blerando.
Xhensila vetë ndërkohë po shijon suksesin e këngës së saj më të fundit në bashkëpunim me reperin Noizy me titull “Edhe një natë”, që është pritur mjaft mirë nga publiku.
