Këngëtari i njohur Michael Buble dhe bashkëshortja e tij Luisana Lopilato pritet që në më pak se një muaj të bëhen prindër për herë të tretë.
Këngëtari 41-vjeçar dhe aktorja 31-vjeçare janë prindër të dy djemëve, Noah dhe Elias, të cilët së shpejti do të bëhen me një motër të vogël.
Në një intervistë për “Today FM”, Michael ka konfirmuar për herë të parë se ai dhe Luisana janë në pritje të një vajze e cila do të vijë në jetë pas 3 javësh.
“Vajza ime e parë do të vijë në jetë pas tre javësh dhe unë kurrë nuk e kam thënë më parë këtë në publik. Unë kam një vajzë që po vjen”, ka thënë këngëtari i famshëm.
Michael Buble theksoi gjatë intervistës se kjo është periudha më e lumtur për të dhe familjen e tij që pas kurimit të vogëlushit Noah nga sëmundja e kancerit.
Burimi: Daily Mail
