Ed Sheeran është martuar në fshehtësi me të fejuarën Cherry Seaborn, në një ceremoni shumë private.
28-vjeçari mësohet se kurorëzoi dashurinë me shoqen e fëmijërisë para Krishtlindjeve, në një ceremoni ku ishin vetëm 40 të ftuar nga familjet dhe shoqëria e ngushtë.
“Ed u martua disa ditë para Krishtlindjeve. Ishte shumë e qetë, vetëm miqtë e ngushtë dhe disa familjarë. Ishin vetëm 40 persona, kështu që nuk ishte asnjë prej personazheve të njohur. Ai donte që të ishte diçka vetëm mes tyre, një dasmë e thjeshtë”, tha burimi për “The Sun”.
Burimi tregon se çifti po planifikon që të organizojë një festë të madhe në verë për miqtë e tyre të famshëm, të cilëve nuk u është thënë ende që janë martuar.
Burimi: Daily Mail
