Vera është gjithmonë stina që vendos përballë këngëtarët, qoftë edhe pa qëllim të keq apo jo në mënyrë të drejtpërdrejtë.
Të shumtë janë këngëtarët shqiptarë që po mbajnë koncerte në qytete të ndryshme të Shqipërisë apo të Kosovës.
Capital T, Noizy, Ledri, Ghetto Geasy apo Flori Mumajesi janë vetëm disa prej tyre, të cilët kërkohen nga fansat dhe klubet e natës për të krijuar atmosferë.
Secili prej tyre përpiqet që të tërheqë sa më shumë vëmendjen e fansave në mënyra të ndryshme. Një prej tyre është rasti i Capital T, i cili i ka surprizuar këtë fundjavë fansat e tij, me një performancë të jashtëzakonshme.
Gjatë koncertit në qytetin e Gjakovës, ai u lëshua me vinç në mes të publikut, veprim ky që bëri publikun të brohorisnin dhe të mbeten pa fjalë, pasi është gjë e rrallë që një artist mund ta bëjë gjatë një performance.
Pavarësisht se mban vendin e parë për nga surprizat më të veçanta të kësaj vere, mos harrojmë atë që ka bërë për herë të parë në një skenë shqiptare, Noizy. Pas performimit të disa këngëve, Noizy pyeti në sallë se kush kishte ditëlindjen. Menjëherë pas kësaj ai vendosi të festojë ditëlindjet e të pranishmëve në lokal në një mënyrë mjaft të veçantë.
Reperi nxori nga çanta një tufë me dollarë, të cilat i ka hedhur në sallë. Të pranishmit kanë shprehur se në çantë mund të kenë qenë më shumë se 1000 dollarë. Duhet thënë që ky gjest ka entuziazmuar publikun.
Pa harruar Ledrin apo Getoarin, duket sikur këta këngëtarë dhe shumë të tjerë janë në një “luftë” të vërtetë, duke reklamuar sikush bazën e fansave që i mbështesin.
Ghetto Geasy
Flori Mumajesi
Burimi: Iconstyle.al
