Mbrëmjen e djeshme u mbajt në New York ceremonia e shpërndarjes së çmimeve “Grammy 2018”. Në këtë eveniment që rrëmbeu të gjithë vëmendjen botërore, morën pjesë edhe 4 këngëtare shqiptare.
Në tapetin e kuq 4 shqiptaret shkëlqyen në kuptimin e vërtetë të fjalës. Rita Ora, Bebe Rexha, Bleona Qereti dhe Dua Lipa na përfaqësuan denjësisht.
Rita Ora kishte zgjedhur një fustan kadife me një të çarë shumë seksi, e cila i hapi pak probleme. Ajo u shfaq në tapetin e kuq duke mbajtur dorën para sikur kishte harruar të vishte të brendshmet. Kjo është cilësuar si një zgjedhje shumë e guximshme nga ana e Ritës, por që e bëri të shkëlqente në tapetin e kuq. “The Independent” e ka klasifikuar si një ndër të veshurat më bukur në “Grammy 2018”.
Bebe Rexha është shprehur se ajo është e dashuruar me fustanin që veshi në tapetin e kuq në “Grammmy 2018”. Një stil mjaft seksi që i nxirrte në pah format e saj të rrumbullakosura.
Bleona Qereti ka ditur të bëjë zgjedhjen e duhur këtë vit përsa i përket veshjes. Një fustan i zi tyl, i gjatë, i cili e tregonte shumë seksi dhe me shumë klas. Ajo është klasifikuar si një ndër më të veshurat më bukur në tapetin e kuq.
Dua Lipa kësaj radhe i ka besuar së bardhës, një prej ngjyrave dominuese të tapetit të kuq dy vitet e fundit. Ajo u shfaq në tapetin e kuq në “Pre-Grammy 2018” vezulluese dhe u komentua pozitivisht nga të gjithë.
