Këngëtaret e skenës shqiptare gjithmonë kritikohen për mungesën e origjinalitetit, megjithatë moda është një botë e madhe ku askush nuk ka ekskluzivet dhe të gjithë duan të jenë pjesë. Po këngëtaret shqiptare nga kush inspirohen për veshjet e tyre, sidomos në klipet e tyre muzikore?
Këngëtarja Miriam Cani publikoi dje videoklipin e këngës së saj më të re “Meteor”. Kjo këngë e riktheu fuqishëm këngëtaren, e cila njihet për potencën e saj vokale. Detaje nga klipi kanë tërhequr vëmendjen e publikut sepse ato janë kopje e këngëtares së madhe Beyonce.
Me sa duket Miriami u frymëzua nga Beyonce për videoklipin e fundit. Është vendosja e brirëve te një prej valltarëve dhe detaji në kokë të Miriamit që e bëjnë atë të duket si Beyonce.
Enca Haxhia në klipin e këngës “Call me Godess” ka kopjuar këngëtaren serbe Jelena Karleusa. Jelena ka qenë e para që ka realizuar një set fotografik për revistën “Story” ku shfaqej e mbuluar me bizhuteri. Enca me sa duket e ka pëlqyer këtë detaj dhe e ka kopjuar menjëherë.
Po të kthehemi pas në kohë, mund të kujtojmë këngën e parë të Anxhelina Hadërgjonaj. Për ironi të fatit, në këngën e titulluar “Kopje pa kuptim”, Anxhelina shfaqet me një veshje të ngjashme me atë të Rihanna-s.
Bleona Qerreti është ndër të paktat që pranon se frymëzohet nga më të mirat. Ajo ka postuar një foto ku shfaqet e veshur me të njëjtin fustan si Beyonce, ndërsa përbri fotos shkruan: “Dy femra të fuqishme, të pavarura”.
Elvana Gjata është një ndër këngëtaret shqiptare e cila është cilësuar se me pamjen e saj ka kopjuar disa herë Ledy Gaga-n, Britney Spears dhe Kim Kardashian.
Në videoklipin “Baby jem” Nora Istrefi shfaqet e veshur me nje kostum të bardhë shumë seksi, e njëjta veshje me Beyoncen në këngën e publikuar në vitin 2011, “Best thing I Never had”.
Burimi: Iconstyle.al
