Ajo paralajmëroi përmes një foto se ka nisur një projekt të ri në një tjetër televizion. Pas largimit nga “Top Channel”, ish-moderatorja e “Fiks Fare”, Fiori Dardha është dalluar në ambientet e jashtme të televizionit “Ora News”.
Pavarësisht se ende nuk ka bërë publike projektin, një burim tregon për “Iconstyle” se në emisionin e ardhshëm ajo nuk do të jetë e vetme.
Mësohet se Fiori Dardha do të bëjë një emisionin investigativ, të ngjashëm me atë që jemi mësuar ta shohim më herët. Në krah të saj do të jetë një këngëtare, të cilën së fundmi e kemi parë si pjesë të stafit të “Dance With Me”.
I njëjti burim tha për “Iconstyle” se Rozana Radi është zgjedhur si prezantuese krah Fiorit, duke realizuar kështu për herë të parë një emision invesigativ me moderatore dy femra. Në televizion kanë nisur tashmë provat, ndërsa pritet kompletimi i stafit.
Ndërsa një tjetër ndryshim ka ndodhur në të njëjtin televizion, ku drejtori i Përgjithshëm, Ylli Rakipi, ka lëvizur në televizionin “News 24”. Besohet se shkak për largimin e tij janë bërë disa konflikte me Presidentin e televizionit, Ylli Ndroqi.
Burimi: Iconstyle
