Këngëtarja Era Istrefi publikoi dje videoklipin e parë pas një viti, duke u bërë kështu një nga këngët më të kërkuara në Youtube. Sot ajo ka arritur mbi një milion klikime dhe shifrat vijojnë të rriten.
Por për te gjithë ata që nuk e dinë kuptimin e titullit, ICONstyle, përmes një kërkimi të thjeshtë në internet zbuloi se fjala Redrum, i referohet fjalës “Murder” në anglisht, që në shqip përkthehet si “Vrasje”. Pra nëse e i ktheni shkronjat e fjalës Redrum mbrapsht del Murder.
“Përveç kuptimit të saj të frikshëm, Redrum është, në një farë mënyre, diçka pozitive. Në mënyrë simbolike ajo nënkupton edhe të kundërtën e vrasjes. Mund të kuptohet edhe si një vrasje që është shmangur, një vrasje që nuk të ndodhë. Pra, Redrum është mundësia e kundërt e vrasjes – jeta”, thuhet në analizën e fjalës.
Edhe mediat serbe i kanë kushtuar një artikull këngëtares duke e quajtur që në titull “hit” këngën e re “Redrum”. Në artikull përshkruhet Era si një artiste që me këngë shqip arriti të ketë sukses global.
