Emily Ratajkowski mori famë pasi u shfaq në klipin e këngës “Blurred Lines” në vitin 2013. Te vajza që dukej një engjëll, por “topless”, ajo që ra në sy veç tipareve të fytyrës, ishte gjoksi.
Tashmë kjo këngë është kthyer në vëmendje, jo më për të.
Gjykata e Apelit konfirmoi se kënga “Blurred Lines” është kopje e “Got to give it up”. Pharrell Williams dhe Robin Thicke duhet t’u paguajnë fëmijëve të Marvin Gaye, Nona, Frankie e Marvin III, 5.3 milionë dollarë, për plagjiaturë.
Vendimi i gjykatës së vitit 2015 parashikonte që dëmshpërblimi të ishte 7.4 milionë, por u shkurtua në Apel.
Gjykata vendosi dhe që fitimet nga kënga “Blurred Lines” t’i shkojnë gjysmë për gjysmë pasardhësve të Gayes. Autori tjetër i këngës Clifford Harris Jr., reperi i njohur si T.I., dhe shtëpia diskografike “Interscope” u vlerësuan si të papërfshirë në këtë çështje.
