Ylli shqiptar Dua Lipa ka njoftuar fansat për publikimin e këngës “Illusion” e cila tashmë e ka një datë. Më 11 Prill, bëhuni gati të kërceni shkruan Lipa në postimin e saj të fundit ku na tregon dhe disa nga prapaskenat me grupin e saj të kërcimit.
“Illusion është i juaji që nga dita e enjte. Le të kërcejmë”, ka shkruar 28-vjeçarja.
“Illusion” është kënga e tretë e këtij albumi pas “Training Season” dhe “Houdini”. Muajin e kaluar, u konfirmua se Lipa do të kryesojë Glastonbury 2024 së bashku me Coldplay dhe SZA. Ajo thuhet se do të bëjë vizitën e saj në Worthy Farm për një film të ri, dokumentar.
