Modelja e njohur, Kendall Jenner u fotografua krejt e vetme duke ndjekur ish-të dashurin Harry Styles në koncertin e tij në Los Anxhelos gjatë fundjavës.
Pranë saj nuk dukej gjëkundi i dashuri basketbollist, Ben Simmons i cili kishte dalë për qejfin e tij.
Lojtari 21-vjeçar i NBA u pa duke dalë nga Steakhouse Mastro në Beverly Hills jo me një, por me dy femra mbrëmien e së dielës.
Ben ishte i shoqëruar nga një shok, kur dy vajzat dolën nga lokali për t’u ndjekur më pas nga ata.
Nuk dihet ende se ku ishte Kendall atë mbrëmje, por është e sigurt që nuk ishte me të.
22-vjeçarja ishte vetëm kur u fotografua në koncertin e ish-it Harry Styles në Kalifornia.
Një burim për “Radar Online” tha se Kendall ishte në humor “duke kënduar të gjitha këngët e tij”dhe madje duke kërcyer.
Dyshja thuhet se kanë dalë bashkë në vitin 2014, përpara se të shkonin më pushime në Anguilla së bashku në dhjetor të vitit 2015.
