Pak orë pasi i la të gjithë pa fjalë me (zh)veshjen e saj në “The Fashion Awards” në Londër, Kendall Jenner i ka bërë të gjithë ndjekësit me zemër pasi publikoi një letër dashurie në Instagram.
Në letër thuhej se personi në fjalë është i dashuruar me Kendall, pavarësisht se jeton larg saj.
“E dashur Kendall, mund të jemi kilometra larg njëri-tjetrit, por dashuria ime për ty rritet gjithnjë e më shumë çdo minutë. Ndjenja ime më e thellë është dashuria ime për ty. Unë do të të dua derisa vdekja të na ndajë. Tani për tani kjo ndarje më vret mua, por në zemrën time e di se asgjë nuk mund të na ndajë. Ne jemi të bashkuar përgjithmonë, me trup dhe shpirt dhe dua që ta dish se të dua nga thellësia e zemrës sime”, thuhet në letër.
Letra e shkruar me shkrim dore i ka bërë disa fansa të modeles të mendojnë se ia ka dërguar ish-i dashuri i saj, Harry Styles. Disa madje kanë nisur të krahasojnë shkrimin e yllit të muzikës me atë në letrën e publikuar nga modelja.
Ajo që na ka bërë të gjithëve konfuzë është se pse Kendall e ka fshirë emrin e autorit të kësaj letre romantike. T’ia ketë dërguar ndonjë ish-i dashur?!
I just spent the past 15 minutes comparing Kendall’s love letter to Harrys handwriting and IT DOESNT MATCH BUT IM TRYING SO HARD TO MAKE IT ADD UP pic.twitter.com/jbmBLhQdoU
— release baby honey (@capricornmmith) December 11, 2018
