Pasi ajo dhe familja e saj kanë me miliona fansa në rrjetet sociale, vendimi i 21-vjeçares, Kendall Jenner për të mbyllur Instagram-in të dielën, i tronditi të gjithë.
Supermodelja ka rrëfyer më në fund se përse e mori një vendim të tillë. E ftuar në emisionin “Ellen DeGeneres Show” të mërkurën, ajo zbuloi arsyet që e shtynë të merrte këtë vendim.
“Nuk e di. Unë vetëm doja të detoksifikohesha. Kërkoja pak pushim. Unë jam gjithmonë në rrjetet sociale. Ndjehem sikur do të zgjohem në mëngjes dhe do të shikoj ato fillimisht dhe më pas kur të shkoj në shtrat ato do të jenë gjëja e fundit që do të shoh. Ndihem e varuar nga mediat. Kjo që bëra ishte thjesht një pastrim”.
Edhe pse ka vetëm dy ditë që ajo ka mbyllur Instagram-in, Kendall tashmë po e planifikon një kthim: “Unë do të kthehem. Do të kthehem”, përsëriti modelja gjatë intervistës.
*Shfleto galerinë
Burimi: Daily Mail
