Ajo e ka kapërcyer fëmijërinë para paracëve, familjes së saj të famshme, e megjithëse është 21 vjeç, ka arritur të dalë në kopertinën e një prej revistave më të famshme të modës, “Vogue”.
Në kopertinën e numrit më të rëndësishëm të vitit në magazinat e modës, Kendall Jenner bën vendin, duke u konfirmuar kështu si supermodelja më e mirë e momentit.
“Vogue” ka publikuar fotografinë e numrit të shtatorit, këtë herë me 800 faqe. Kendall e ka mbajtur sekret nga të gjithë këtë gjë, edhe pse ajo e ka ditur se do të jetë në kopertinë që nga prilli. Familja i ka realizuar edhe një suprizë të bukur me rastin e pozimit për “Vogue”, (video më poshtë).
Modelja ka treguar se vetëm nëna e saj, Kris dhe motra Kim e kanë ditur ndërsa ka qenë shumë e vështirë ta mbajë të fshehtë një lajm të tillë nga familja dhe miqtë e ngushtë. Por, Kendall ka treguar se kur është zbuluar kjo gjë për të gjithë, ajo ka qenë me shoqërinë dhe nuk e kanë uruar të gjithë. Ky ka qenë një moment që e ka bërë modelen të qajë.
Kendall ka lindur në vitin 1995. Ajo është një vajzë sportive dhe gjithmonë ka shkëlqyer në futboll në shkollë. Ashtu si babai i saj, ajo është një njeri që i pëlqen të rrijë vetëm; ajo kalon shumë kohë në dhomë duke luajtur më vide-lojëra.
“Mbaj mend që kam qarë në dhomën e gjumit për faktin se Kylie kishte kaq shumë miq dhe unë nuk kisha”, thotë ajo. Kur ishte 6 vjeç ajo ka kaluar një pjesë më të madhe të kohës së saj në një hambar, ku ajo u rrit, pranë kuajve. Madje e mban mend edhe një kalë të veçantë, i quajtur Ladybug, me të cilin luante.
Një pjesë e asaj që duket pak çorientuese për Kendall është se babai i saj tani ka më shumë gjëra të përbashkëta, të paktën në sipërfaqe, me të gjitha gratë e tjera në familje. “Unë kam qenë gjithmonë shumë ndryshe nga të gjitha motrat e mia, veçanërisht motrat e mia Kardashian. Ato kanë qenë gjithmonë të veshura bukur, çdo ditë gjithmonë në qendër të vëmendjes. Një pjesë e imja e do këtë, por në të njëjtën kohë, unë dua të kem jetën time private.
Çdo ditë gjej një mënyrë për të shpëtuar; ndonjëherë më duhet të marr hua makinën e dikujt tjetër. Ndonjëherë më duhet një orë të kuptoj se si të shpëtoj nga këta njerëz të cilët kanë qenë me mua gjithë ditën. Dhe e dyta që unë mendoj se është mirë për mua, është se më duhet të shkoj të qetësohem jashtë, të shkoj të bëj një banjë ose diçka tjetër. Kjo gjë më mban të vërtetë”, thotë Kendall.
Ajo ishte vetëm 11 vjeç kur nisi “Keeping up with the Kardashians” dhe nuk ka qenë e lehtë.
“Një nga leksionet më të mira që kam mësuar ndonjëherë nga motrat e mia është që të mos e marr gjithçka kaq seriozisht. Vetëm lere të kalojë, ajo do të kalojë pas një jave. Kështu u rrita. Motrat e mia janë të forta, ato më mësuan mua dhe motrën time të vogël që të mos ndikohemi nga jashtë”.
Burimi: Vogue
*Shfleto galerinë
