Dy modelet mike duket se udhëhoqën Javën e Modës në Paris. Pas shfaqjes së mrekullueshme që bënë për Chanel, Kendall Jenner dhe Bella Hadid ishin zgjedhur të performonin në shfaqjen e Alexandre Vauthier.
20-vjeçarja Bella tërhoqi vëmendjen me fustanin metalizato të ndritshëm, i cili i linte pak vend imagjinatës. Fustani na kujton veshjen që zgjodhi Kendall Jenner për ditëlindjen e saj, të nisur si ide nga Paris Hilton.
Fustani i tejdukshëm tregonte gjoksin e modeles, ndërsa nga pas dizajni mbulonte vetëm pjesën e të pasmeve.
Hadid u shfaq sërish në pasarelë, tashmë me fustan më avangardë, ngjyrë metalizato.
Ndërsa Kendall Jenner shkëlqente e gjitha me fustanin me temina të kuqe, blu, të zezë dhe metalizato. Shfaqja e modës ishte e mbushur me influencuese të viteve ’80, ndërsa modelet ecën në pasarelë me një numër veshjesH metalizato dhe ngjyra të gjalla.
Lëkura, kadifja, teminat dhe stofi ishin materialet përmes të cilave ishte krijuar koleksioni. Ndërsa ngjyra e kuqe, e bardha, bluja dhe e zeza ishin më të preferuarat.
Duket se shfaqja e lëkurës ishte trendi kryesor i koleksionit pranverë/verë 2017 i Alexandre Vauthier.
Burimi: Daily Mail
