Pasi tha se do të ishte një “ëndërr” të ndodhej në koverin e revistës “Vogue”, Kendall Jenner tashmë ndodhet në numrin gjerman të “Biblës së modës”. Është e qartë që ylli 20-vjeçar mund të japë kaq shumë mirësi, ndërsa tregon aftësitë e saj në numrin e tetorit të “Vogue Deutsche”.
Modelja mahnitëse tregon figurën e saj fenomenale me një trupore të zezë. Ajo shfaq linjën e saj elegante, me një rrip të trashë ngjyrë kafe për të theksuar perimetrin e belit, ndërsa këmbët i mban në një pozicion të veçuar. Kendall mban veshur geta, duke mos treguar shumë pjesë nga trupi i saj, ndërsa sipër mban një xhaketë ngjyrë kaki. Modeli i flokëve është ai i momentit, që të jep idenë se janë të lagur.
Ndryshe nga sa e kemi parë në koverat e tjerë të “Vogue”, ajo shfaqet me një makijazh të rëndë, që theksohet nga buzët ngjyrë të kuqe të thellë. Ajo i mbyll pozat e saj të realizuara nga Luigi + Iango, duke shtuar një palë doreza lëkure.
Muajin e kaluar, Kendall realizoi arritjen e saj më të madhe në karrierë, ndërsa u shfaq në koverin e shtatorit për “Vogue” në Amerikë. Ndërsa pas këtij të fundit, Kendall arrin të shfaqet për herë të tetë në koverin e revistës së famshme, brenda vetëm 1 muaji.
*Shfleto galerinë
Burimi: Daily Mail
