Nëse do të tregohemi shumë të sinqertë duhet ta pranojnë se shpenzojmë shumë kohë dhe para, që flokët të duken të dendura dhe të shndrritshme dhe shpeshherë i komplikojmë gjërat më shumë se ç’duhet. Më poshtë ju rendisim disa truke të vogla që do t’ju shpëtojnë ditën dhe flokët tuaj do të rikthehen sërish në jetë!
Laj flokët në mënyrën e duhur
Një ndër gabimet më të zakonshme që bëjmë kur lajmë flokët është se aplikojmë shampon edhe zbutësin nga rrënja tek majat. Në fakt, duhet të vendosim shampon tek rrënjët dhe zbutësin e flokëve tek majat. E vetmja pjesë që duhet të lash flokët, është tek rrënjët!
Fryj flokët me krëhër
Atëherëëëë, ka ndonjë vajzë që nuk e ka “vjedhur” këtë stil tek parukjerja. Ndaj flokët në sesione të vogla dhe krihi në anën e kundërt të saj duke i vendosur edhe pak sprai për flokët. Më pas me duar, rikthej në pozicionin që dëshiron. Për ta perfeksionuar taktinën, ndiqni videon më poshtë:
Thaj flokët vetëm 85 për qind
Nëse je me nxitim dhe kërkon të shtosh pak volum tek flokët, atëherë sekreti është tek tharja. Thaj flokët me tharëse vetëm 85 për qind dhe kapi topuz shumë pranë ballit derisa të përfundosh tualetin. Kur të lëshoni flokët do të vini re se kanë më shumë volum se zakonisht.
Priti flokët me shkallëzim
Herën tjetër që do të presësh flokët, kërko shkallëzim. Nëse i ke flokët në të njëjtën gjatësi, atëherë nuk do të të duken aspak me volum. Nëse i prisni me shkallëzim, atëherë do të keni më shumë formë, volum dhe “voila” do të shkëlqeni.
