Pas nëntetares Zarife Hasanaj, ditën e djeshme fatkeqësisht ndërroi jetë edhe major Klodian Tanushi pasi nuk u mbijetoi dot plagëve të marra.
Të dy kanë ndërruar jetë në krye të detyrës, gjatë misionit të tyre të përbashkët në Letoni.
Së fundmi ka reaguar Aleanca e Atlantikut të Veriut, duke përcjellë një mesazh ngushëllimi për 39-vjeçarin e ndjerë: “Është dhimbje e madhe që ka ndërruar jetë Major Klodian Tanushi. Ne i shprehim ngushëllimet tona më të thella bashkëshortes, fëmijëve dhe të afërmve të tij. Pasi luftoi për jetën e tij, Major Klodian Tanushi vdiq nga lëndimet e pësuara gjatë një detyre të EOD, në vijën e detyrës më 6 maj 2019, që mori gjithashtu jetën e nëntetares Zarife Hasanaj. Kemi humbur një nga tanët, një vëlla nën armë. Në këto kohë dhimbjeje, mendimet tona shkojnë tek të dashurit, miqtë dhe kolegët e tij. Jeta e tij do të kujtohet.” /balkanweb.com
