Nëse ka një gazetar që ka fituar zemrën e të gjithë shqiptarëve ai është vetëm Marin Mema. Prej shumë vitesh, Marini është përkushtuar në trajtimin e çështjeve më të ndjeshme kulturore, politike e sociale të shqiptarëve kudo ku janë, duke pasqyruar të vërteta që askush nuk guxon t’i thotë me zë në dokumentarët e tij.
Duke qenë se është shumë i angazhuar me emisionin e tij e gjithnjë duke udhëtuar ndodh rrallë që ta shohim nëpër intervista, e megjithatë mbrëmjen e djeshem ai e ka bërë një përjashtim. Marin Mema ishte i ftuar në “Shiko Kush LUAN”, ku ka folur rreth jetës së tij personale.
Plot sportivitet, Marini iu përgjigj shumë pyetjeve pikante që i drejtoheshin nga Luana, Rezarti dhe Xhoda, të cilit ishin në rolin e fëmijëve. Një ndër pyetjet ishte se kur do e shohim Marinin dhëndër dhe kështu ai na zbuloi disa detaje mjaft interesante mbi jeten private.
“Marini ka shumë kohë që është i lidhur, shumë kohë”,- u shpreh gazetari i mirënjohur i cili na tregoi se me vajzën “misterioze” ka rreth 13 vite lidhje dhe janë gati të bëhen prindër në një të ardhme sa më të aftërt.
View this post on Instagram
Ndërkohë, një ndër pyetjet që iu drejtua Marinit ishte mbi prapaskenat e punës së tij në kërkim të vendeve shqiptare.
“Profesioni ka dhe kërcënime. Eksperienca të bën t’i kalosh, duhet të përpiqesh aty për aty t’i përpunosh, të reagosh në mënyrë civile.“,-u përgjigj Marini teksa vazhdoi: “Jo gjithmonë, kërcënimet janë përmes telefonit, janë dhe kërcënime fizike dhe mua më ka ndodhur shumë herë gjatë karrierës.”
Mema zbuloi se këto kërcënime nuk e kanë stepur: “Nëqoftëse do të shkelja diçka apo të bëja diçka të gabuar do më stepnin, por nëse jam dhe po luftoj njëfarë mënyre për të drejtën dhe të vërtetën, s’kam pse ndalem! Nuk kam Pse të kem frikë!”,- përfundoi Marini.
