Më 17 tetor Stresi u arrestua nga policia në një hotel në Linzë, i dyshuar për trafik droge. Por ajo për të cilën u përfol më shumë gjatë arrestimit të tij ishte marrëdhënia me të fejuarën Kejsi, pasi reperi u gjet në hotel me një 20-vjeçare.
Ajo vendosi që të reagonte vetëm 3 ditë pas arrestimit të partnerit, duke shkruar se nuk i interesonte mendimi dhe gjykimi i njerëzve, ndërsa u këshilloi ndjekësve që të shohin jetën e tyre.
Teksa reperi ndodhet pas hekurave prej 8 ditësh, Kejsi vendosi të tregonte edhe njëherë se në lidhjen e tyre nuk ka ndryshuar asgjë. Dashuria e çiftit e nisur prej vitesh do të vazhdojë të jetë e njëjtë.
Ajo postoi disa kujtime në “InstaStory”, si një dedikim për të fejuarin që ndodhet në burg, duke i dhënë kurajë që të mos dorëzohet.
Fillimisht Kejsi publikoi disa video, ku ndodhet në makinë dhe këndon hitet e partnerit të saj.
Më pas ajo postoi një video nga një koncert i Stresit, ku reperi këndon “Love Story”:
Një nga videot më të ëmbla është ajo kur reperi përqafon një vajzë të vogël, e cila thotë se është vajza e “xhaxhi Stresit”:
Kejsi sjell kujtime të realizuara gjatë lidhjes së tyre, ku në njërën prej tyre shkruan “Vitet e dashurisë”.
Në foto çifti shfaqet në ambientet e shtëpisë, në lokale apo në plazh.
Burimi: Instagram
