Keisi doli në takim me një djalë tjetër? Stresi reagon për herë të parë dhe e tha fjalën e tij!

Marrëdhënia e Keisit dhe Stresit është përfolur gjatë në media dhe “telenovela” e tyre e dashurisë vazhdon të ngjallë interes të madh tek publiku shqiptar.

Prej kohësh ata s’e kanë takuar më njëri-tjetrin dhe s’dihet saktësisht sesi janë marrëdhëniet e tyre, mirëpo postimet e fundit të çiftit na kanë futur në dyshime!

Keisi ka treguar në një postim në InstaStory se ka dalë në një takim me dikë dhe këtu “plasi bomba”.

“S’ka si takimet e ditës”- shkruan bukuroshja dhe s’ka vonuar reagimi i Stresit.

“Unë s’kam urrejtje ndaj teje, për mua mjafton të jesh mirë kudo të jesh, tjerat vijnë e shkojnë”- ka shkruar reperi në postimin e tij në InstaStory, që u duk si një përgjigje për Keisin.

I kontaktuar nga “Iconstyle.al” për të na treguar më shumë lidhur me këtë situatë, Stresi u shpreh:

“Makiazhi mund t’ju bëjë të bukur në paraqitjen e jashtme, por nuk mund t’ju ndihmojë nëse jeni e shëmtuar nga brenda. Veçse nëse e hani makiazhin.”

Epo, duket se kjo mjaftoi për të sqaruar se ata e kanë me njëri-tjetrin!