Ai nuk ka pasur një lidhje serioze për dekada të tëra dhe asnjëherë nuk është treguar kaq i dhënë pas dikujt në tapetin e kuq, gjatë karrierës së tij 35-vjeçare.
Por kjo ndryshoi këtë fundjavë kur Keanu Reeves mbërriti dorë për dore me Alexandra Grant në LACMA Art + Film Gala i prezantuar nga Gucci në Los Angeles.
Aktori, 55 vjeç, dhe artistja, 46 vjeç, nuk ia lëshuan dorën njëri-tjetrin pasi shkëmbyen shikime të dashura dhe pozuan për dhjetëra foto para shtypit ndërkombëtar, duke dëshmuar se nuk kishin asgjë për të fshehur.
Keanu dukej krenar që kishte përkrah gruan që i ka rrëmbyer zemrën. Aktori i njohur i “Matrix” kishte veshur një kostum të zi, këmishë të zezë dhe kravatë të zezë me këpucë sportive.
Ndërsa partnerja e tij dukej elegante me një fustan blu edhe pse pak e madhe për moshën që ka.
Keanu bashkëpunoi me Alexandra-n për librat “Ode To Lappiness” dhe “Shadows”.
Ndërsa Alexandra siguroi artin vizual për vëllimet – i pari i botuar në 2011 dhe pesë vitet e ardhshme më vonë – Keanu shkroi poezi.
Për javë të tëra ka pasur zëra që Keanu e ka marrë seriozisht lidhjen me artisten.
Të dy dukeshin shumë të lumtur në mes të tetorit, kur u fotografuan duke dalë nga një bar Sushi në Bulevardin Sunset në Los Angeles.
