Ju kanë mbetur vetëm 20 ditë kohë para se të bëni zhvendosjen e gjendjes civile, në zonën apo qytetin ku jetoni. Pas 28 korrikut qytetarët, që nuk përputhin vendbanimin me gjenden civile do të gjobiten me 10 mijë lekë të rinj.
Kjo vlerë do të paguhet në momentin më të parë kur banori, të kërkojë certifikate apo vërtetim lagje. Por gjoba nuk është penalitetei i vetëm për qytetarët që nuk zbatojnë ligjin.
Drejtori i gjendjes civile, Bledar Doracaj, sqaron se do të kenë probleme me shërbimet, si zyrat e gjendjes civile, me kartat e parkimit që do të vihen në funksion, por edhe me regjistrimin e fëmijëve në kopshte e shkolla.
Por si do të aplikojnë personat që kanë më shumë se një shtëpi?
Përjashtohen nga gjobat vetëm banorët që kanë ndryshuar vendbanimin, por jo gjendjen civile.
Megjithatë edhe kjo kategori duhet të shkojë në njësinë administrative, për të deklaruar adresën e re. Pas 28 korrikut, që shënon dhe afatin e fundit, ligji parashikon sanksione.
Për çdo zhvendosje të vendbanimit dhe gjendjes civile, procedurat bëhen falas brenda 31 ditësh, pas këtij afati nis aplikimi i gjobës 100 mijë lekë të vjetra.
