Sot, këngëtari Robert Berisha dha lajmin më të hidhur të jetës së tij në rrjete sociale, duke njoftuar se mamaja e tij Teuta kishte ndërruar jetë.
Ai publikoi në llogarinë e tij në Instagram një foto me të ëmën, krahas së cilës shkruante fjalët që na prekën shpirtin.
“Pusho e qetë mami jem
per ty me shkru kom shum,po e la me kaq
”
Roberti është ndarë prej disa kohësh nga këngëtarja Nora Istrefi, mirëpo ka ruajtur gjithmonë marrëdhënie të mira me të edhe pas ndarjes.
Madje, Nora ka shkruar sot fjalët më të ndjera për ish-vjehrrën që ka ndërruar jetë, në një foto ku kishte pozuar me të voglën Renee.
“Ke qenë gjithmonë shoqja ime. Të kam dasht dhe më ke dashur. Uroj me zemër që shpirti yt i bardhë dhe një grua me kaq shumë vlera të pushojë e qetë në paqe. Teuta”- shkruan Nora, duke e shoqëruar me emojin e një pëllumbi të bardhë.
Në fakt, Roberti ka treguar më herët se mamaja e tij Teuta po luftonte prej kohësh me një sëmundje të rëndë.
Madje, që para se të lindte vajza e tij, Renee, e ëma i ishte nënshtruar kimioterapisë ndërsa këngëtari lutej që gjithçka të shkonte mirë dhe ai ta kishte për shumë vite pranë mamanë e tij.
Fatkeqësisht, ajo ka ndërruar sot jetë ndërsa ne i shprehim ngushëllimet tona të sinqerta familjes së tyre!
