Shumë shpejt ajo do të martohet me të fejuarin e saj Orlando Bloom prandaj çifti ka tërhequr vëmendjen e të gjithëve ditën e djeshme, teksa kanë dalë për të shijuar një mbrëmje romantike.
34 vjeçarja Katy Perry dukej mahnitëse me flokët e saj bjonde, të gjata dhe me jumpsuit-in e kuq që kishte veshur teksa ishte nën shoqërinë e partnerit në Madeo të Beverly Hills.
Këngëtarja kishte zgjedhur për sytë një ton blu, i cili krijonte një kontrast perfekt me veshjen. Në dorë mbante një çantë të zezë dhe në gishtat e saj nuk mund të mungonte unaza e madhe rozë të cilën e mori ditën e fejesës.
Orlando nga ana tjetër dukej shumë sportiv, me një palë xhinse, bluzë të bardhë dhe këpucë prej lëkure.
Në këto foto të fiksuara nga aparatet e paparacëve, edhe njëherë tjetër, të gjithë shkëlqimin e mori Katy Perry!
Burimi: Daily Mail
