Përgjatë viteve, supermodeljet kanë qenë gjithmonë të pranishme në Festivalin e Filmit të Kanës, ashtu si edhe yjet e “Hollywood”-it. Naomi Campbell, Natasha Poly, Doutzen Kroes, Karlie Kloss dhe Kendall Jenner, janë bërë të përhershme në festivalin në rivierën franceze, duke u shfaqur me fustanet e tyre couture në tapetin e kuq, përkrah aktorëve si Cate Blanchett, Blake Lively, Kirsten Dunst dhe Marion Cotillard.
Dje, supermodelja e të gjitha supermodeleve, Kate Moss, bëri paraqitjen e saj të parë në 15 vite në premierën e filmit “Loving”, një nga filmat më të shumëpritura të festivalit. Moss u shfaq në tapetin e kuq me një fustan “vintage” Halston me një krah, duke treguar këmbët e saj në shkallët e teatrit.
Moss nuk ka qenë në Festivalin e Filmit të Kanës që nga viti 2001, kur ajo mori pjesë në premierën “Apocalypse Now Redux”, duke u shfaqur si Edie Sedgëick me një fustan të shkurtër të kombinuar nga një pelush i bardhë.
Dhe kë mund të sjellësh si shoqëruese më mirë se sa familja. Lottie Moss bëri daljen e saj zyrtare në tapetin e kuq të Kanës dje, duke u koordinuar me motrën e saj supermodele me një fustan të kuq “Dior” dhe bizhuteri të shndritshme.
Burimi: Harper’s Bazaar
