Kate Moss arriti një marrëveshje të qetë ndarjeje me ish-bashkëshortin e saj, Jamie Hince.
Modelja 42-vjeçare, e cila ishte martuar me kitaristin e “The Kills” në vitin 2011, por u nda vjet pas 4 vitesh martesë, thuhet se e përshkruan veten si të divorcuar dhe me sa duket arriti një marrëveshje me muzikantin pa një “betejë të bujshme”.
Një burim tha për Daily Mail: “Ata e arritën marrëveshjen shumë kohë më parë dhe asnjëri nuk donte të bënte një spektakël të saj. Në vend të kësaj, ata pranuan gjërat mes tyre dhe e bënë ndarjen në mënyrë formale, pa shkuar në një betejë të gjatë ligjore”.
Raportohet se Kate, e cila ka një vajzë 14-vjeçare Lila me ish-partnerin e saj Jefferson Hack, e ka dhënë pjesën më të madhe të pasurisë së saj, ndërsa Jamie besohet se ka fituar pasurinë e ish-çiftit gjatë katër viteve martesë, përfshirë pikturat dhe veprat e tjera të artit.
Ndërkohë ikona e pasarelës, që besohet se ka nisur një lidhje me Count Nikolai von Bismarck pavarësisht thashethemeve se marrëdhënia me të ishte në vështirësi shijoi së fundmi një arratisje romantike në Venecia të Italisë me Nikolai-n. I dashuri i saj duket e shprehu publikisht dashurinë për të.
Pronari i një restoranti, i cili dalloi çiftin së bashku tha: “Ai [Nikolai] bërtiti “Ti amo” (Të dua) dhe më pas u ul në gjunjë. Ishte shumë romantike. Ai nxori një unazë dhe ishte qesharake, pasi tha se ishte për të pasi ishte divorcuar. Ata ishin shumë të dashuruar dhe ajo duket aq e lumtur. Nuk e kam parë asnjëherë më parë atë kaq të lumtur”.
Megjithatë, pasi kthimit në shtëpi Nikolai ka munguar në eventet e yllit. “Nikolai ishte normalisht shumë i ngjitur pas saj gjatë gjithë kohës, kështu që ishte e qartë se diçka nuk po shkonte”, tha një burim.
Burimi: Daily Mail
