Nuk e vëmë në dyshim që dizajnuesit e Gucci-t kanë punuar fort për krijimet e tyre dhe mënyrën sesi do të duken ato kur të vishen.
Por dukesha e Kembrixhit kishte ide të tjera sesi mund të vishte një këmishë 790 paund të markës së famshme.
Këmisha në ngjyrë vjollcë prej mëndafshi supozohej të vishej me kopsat në pjesën e kurrizit, por Kate e veshi atë në anën e kundërt, pra me kopsat në pjesën e përparme.
Veshja e saj në anën e kundërt bëri që kopsat në kyçet e duarve të dilnin përpara dhe këmisha të mos dukej aq mirë në trupin e dukeshës.
Nëse kjo ishte rastësore apo e qëllimshme këtë nuk e dimë.
Sido që të jetë, këmisha ishte një zgjedhje e këndshme e kombinuar me pantallona të gjera 130 paund, një çantë ngjyrë vjollcë të çelur dhe këpucë të zeza.
Pavarësisht se kishte veshur një këmishë mëndafshi të shtrenjtë, Dukesha ishte ende e etur për argëtim me fëmijët e vegjël, që vizitoi dje.
Duke shkëmbyer histori me prindërit e tjerë, Kate zbuloi se djali i saj 10-muajsh, Louis, ka filluar të ecë në rrethore.
“Louis thjesht dëshiron të tërheqë veten gjatë gjithë kohës”, i tha ajo një nëne.
