Së shpejti familjes mbretërore do t’i shtohet një pjesëtar i ri! Pas publikimit të lajmit Dukesha e Kembrixhit nuk ishte shfaqur në publik, deri ditën e djeshme.
Kate Middleton, e cila nuk ishte parë në publik që prej datës 30 gusht, iu bashkua Princ William dhe Princ Harry në një pritje të organizuar në pallatin mbretërorë për të shënuar ditën Botërore të Shëndetit Mendor.
Ajo dukej shumë në formë në një fustan prej pambuku ngjyrë blu në vlerë prej 795 paundë, të markës “Temperley London”, i cili ia vinte pakëz në pah barkun e fryrë.
Një ndihmës mbretëror zbuloi gjatë mbrëmjes së djeshme që dukesha ende ka të vjella, por tha se gjendja e saj po përmirësohet. Ajo tha se Kate ishte e bindur për të ndjekur këtë eveniment pasi e kishte shumë përzemër.
Mysafirët vlerësuan Kate, e cila pavarësisht gjendjes së saj, ajo e gjeti forcën për t’u ngritur.
“Ajo është e mahnitshme”; “Sa luftëtare që është”; “Unë e kuptoj se ajo e ka pasur këtë problem më shumë se shumë nëna shtatzëna dhe ne jemi shumë mirënjohës që ajo është këtu”, u shprehën disa nga mysafirët.
