Dukesha e Kembrixhit, Kate Middelton është një ndër femrat më të ndjekura në të gjithë botën përsa i përket pamjes së saj dhe stilit të veshjesh. Çdo ndryshim që ajo bën në pamjen e saj kthehet në trend botëror.
Vitin e kaluar Kate na befasoi të gjithëve kur u shfaq me flokët e shkurtuara. Një ndryshim që e tregonte bukur, po ngjante pak më e madhe në moshë. Të shumtë ishin ata që e kritikuan, por kur të marrin vesh arsyen e vërtetë se përse dukesha e ndërmori këtë veprim do të pendohen që kanë menduar keq.
“Prej disa muajsh parukieri i saj Joey Wheerler i kishte kërkuar të shkurtonte flokët sepse i ishin rritur shumë. Pasi Joey ishte larguar Kate i erdhi ideja për të bërë diçka të mirë me të në vend që t’i hidhte. Ajo i dhuroi për bamirësi flokët e saj, por përdori emrin e dikujt tjetër në mënyrë që të mos zbulohej që ishte nga një burim mbretëror.”, ka thënë një burim për “Daily Express”.
Kate i preu flokët 17 centimetra dhe ia dërgoi organizatës “Little Princess trust”, një organizatë kjo që ndihmon për të bërë paruke për fëmijët me kancer që kanë humbur flokët e tyre pas kimioterapisë.
Burimi: Her.ie
