Mbi 384 persona janë konfirmuar deri tani të vdekur dhe 540 të tjerë janë plagosur, nga cunami i shkaktuar nga dy tërmete në Indonezi.
Katastrofa natyrore u shënua ditën e premte, kur një tërmet me magnitudë 7.5 ballë, gjeneroi edhe cunam në zonat bregdetare. Dallgët arritën mbi 2 metra lartësi në qytetin bregdetar Palun, si dhe në ishullin Sulawesi.
Shumë nga viktimat në Palu u goditën nga dallgët e larta ndërsa po festonin në plazh përvjetorin e qytetit.
Fotot e publikuara nga zonat bregdetare, tregojnë njerëzit duken të tmerruar dhe të shkatërruar, ndërsa mundohen të braktisin me shpejtësi ndërtesat e tyre apo shumë prej tyre u ngjitën nëpër pemë.
Muajin e kaluar, një seri tërmetesh goditën ishullin indonezian Lombokut, ku të paktën 460 persona u konfirmuan të vdekur.
