Jennifer Aniston shpërtheu në lot të dielën gjatë një shfaqje televizive në nder të regjisorit legjendar, James Burroës.
Aktorja 47-vjeçare iu bashkua kastit të “Friends”, të cilët u mblodhën për të festuar karrierën e regjisorit 75-vjeçar gjatë një speciale televizive 2-orëshe “An All-Star Tribute to James BurroWs” në NBC.
Aniston u shfaq në skenë për të nderuar Burrows bashkë me kolegët e saj të “Friends” Courteney Cox, Lisa KudroW, David Schwimmer dhe Matt LeBlanc.
Matthew Perry nuk arriti të ishte në skenë, teksa po përgatitej për rolin e tij në Londër, por i përshëndeti kolegët e tij përmes një video të regjistruar.
“Ne do të bënim çdo gjë për Jim Burrows, sepse ai vërtet na dha ne mundësinë e një jete. Ne provuam miqësinë, familjen, thyerjet e zemrës, fëmijët, çdo gjë bashkë. Njëkohësisht kishim një eksperiencë të mrekullueshme bashkë me botën që na donte shumë”, tha Aniston, e cila luajti Rachel Green në serialin më të ndjekur.
Aktorja u shfaq e veshur me një trupore nga Lanvin, me një vlerë prej 2640 paund. Aniston nuk mbajti dot lotët në fund të transmetimit, ndërsa Burrows u ngjit në skenë për të falënderuar kolegët dhe mbështetësit e tij.
Shfaqja u organizua nga Andy Cohen dhe përfshiu më shumë se 40 aktorë, të cilët u drejtuan nga Burrows në shfaqjet si, “Taxi”, “Cheers”, “The Big Bang Theory”, “Frasier”, “Will & Grace” dhe “Mike & Molly”.
Andy pyeti kastin e “Friends” nëse ato të gjithë kishin nënshkruar kontrata, ku thuhej se “nuk do të flinin me njëri-tjetrin”.
Kudrow tha se asaj nuk i ishte kërkuar që të binte dakord me një kush të tillë.
Courteney zbuloi se ajo, Aniston dhe Kudrow hanin drekën bashkë për 10 vite ndërsa filmohej shfaqja.
Burimi: Daily Mail
