Ikona e modës, Karl Lagerfeld, reagon për herë të parë për lajmin më të përfolur të ditëve të fundit, grabitjen e Kim Kardashian.
Dhe ndoshta ashtu si shumë prej nesh, Lagerfeld e kritikoi Kim për ekspozimin e pasurisë, vetëm një ditë pasi ylli i “reality-show”-t iu grabitën në Paris bizhuteri me vlerën e 11 milionë dollarëve.
“Nuk mund të ekspozosh pasurinë tënde dhe më pas të surprizohesh, kur disa njerëz duan ta ndajnë me ty”, tha dizajnuesi pas shfaqjes së Chanel.
Lagerfeld i shkroi Kardashian një shënim të hënën: “E dashura Kim, ne të gjithë jemi me ty”, pasi ajo u lidh dhe u grabit në apartamentin luksoz nga pesë persona të maskuar dhe të armatosur.
Por ai kritikon të famshmen për ekspozimin e bizhuterive të saj me më shumë se 100 milionë ndjekës të mediave sociale.
“Nëse je aq e famshme dhe i tregon bizhuteritë në internet, shkon në hotele ku askush nuk mund t’i afrohet dhomës”, tha ai.
Kardashian publikoi javën e kaluar një unazë me diamant me një vlerë prej 3.5 milionë paundë, e cila ishte rrëmbyer.
“Mendoj se është një gjë shumë e keqe për Parisin, por nuk e kuptoj pse ishte në hotel pa punonjësit e sigurisë”, tha Lagerfeld për grabitjen.
Ai vazhdon më tej: “Mendoj se është diçka shumë e keqe. Ne bëjmë gjithë këto përpjekje për ta bërë Parisin tërheqës dhe më pas ndodh kjo. Mesa duket ata ishin njerëz nga Evropa Lindore”.
Multi-milionerja, nënë e dy fëmijëve dhe bashkëshorte e yllit të repit, Kanye West, ndodhej në Paris për Javën e Modës, ku ishte e ftuar në radhën e parë të shfaqjes së Balenciaga dhe Givenchy të dielën.
Burimi: Elle/ Daily Mail
