Historia e shkurtër e dashurisë mes Taylor Swift dhe Matty Healy ka marrë fund. Kjo lidhje e cila zgjati pak, mori fund ‘sa hap e mbyll sytë’.
“Ata janë të dy jashtëzakonisht të zënë dhe e kuptuan se nuk janë vërtet të përshtatshëm për njëri-tjetrin”, tha një burim i brendshëm për ‘Entertainment Tonight’.
“Miqtë e Taylorit duan atë që është më e mira për të dhe nuk janë të shokuar që lidhja e tyre u prish që kur ajo doli së fundmi nga një lidhje afatgjatë”, shtuan ata, duke iu referuar ndarjes së këngëtares nga Joe Alwyn.
Vetëm disa orë më parë, një mik i afërt me situatën i tha TMZ se Swift është sërish beqare. Edhe pse Taylor, së fundmi tha se ajo “kurrë nuk ka qenë kaq e lumtur” mes romancës së re, fansat nuk e besuan këtë vendim kaq të shpejtë.
Shumë fansa madje e kritikuan këngëtaren për lidhjen me rokerin.
Fituesja e “Grammy” dhe Healy fillimisht ndezën thashethemet për romancë në fillim të majit pasi këngëtari i “Somebody Else” u pa në turneun e Swift në Nashville.
