Loredana Zefi është rikthyer në Instagram, pas disa ditësh shkëputjeje nga rrjeti social!
Reperja shqiptare e mbylli profilin e saj personal më datën 10 shtator, dhe fansat u shqetësuan.
Por sot ajo është rikthyer sërish dhe me një lajm të ri i cili do të na mbajë në pritje edhe për pak kohë:
“Dua t’ju them diçka por nuk me lejohet t’jua them”!, shkruan Loredana ndërsa ka nisur numërimin mbrapsht për projektin e ri.
Reperja në një postim të dytë ka bërë tag një faqe muzike, Modus Mio, (që mban playlist-a me këngët hip hop gjermane) ndërsa paralajmëron se lajmi i ri do të vijë pas një ore.
Nuk e dimë nëse kjo është një mënyrë për të reklamuar ndonjë projekt të ri dhe për të tërhequr vëmendjen e fansave për ndonjë album që do të vijë së shpejti. E vetmja foto që ka lënë në profil reperja është ajo e datatae të turit të koncerteve në vitin 2021.
https://www.instagram.com/p/CBQRhqtKqIh/
Shkëputja nga rrjeti social mund të ketë qenë edhe një mënyrë e Loredanës për t’i shpëtuar sulmeve që nisën drejt saj me hashtagun #BoycottLoredana (Bojkoto Loredanën), me qëllim që njerëzit të ndalojnë së dëgjuari muzikën e saj.
Ky reagim i rrjetit erdhi pasi çifti zvicerian Valais që pretendoi se ishte mashtruar nga reperja, dha një intervistë ku pohuan se të ardhurat e saj që prej asaj kohe janë përkeqësuar ndjeshëm. Petra dhe bashkëshorti i saj pretendojnë se kanë humbur një total prej 655,000 eurosh, duke e patur të pamundur të paguajnë shpenzimet edhe për funeralin e të ëmës.
