Mbrëmjen e sotme u zhvillua premiera e filmit “2 Gisht Mjaltë” dhe gjatë fjalës së tij moderatori i njohur, njëkohësisht protagonisti kryesor i filmit në fjalë tregoi se si nisi gjithçka.
Për ata që nuk e dinë, protagonistja tjetër e komedisë është Elvana Gjata dhe siç pohoi Ermali, spunton e nisjes së skenarit e mori gjatë një darke me këngëtaren.
“Ky film filloi nga një dëshirë, nga një fjali e shkëputur pa lidhje në një nga darkat e mia me Elvanën. Dhe kaq duhej që të fillonte skenari i një filmi”, tha Ermali.
Nga ana tjetër, Elvana gjatë fjalës së saj pohoi ndër të tjera se është puthur me Ermalin gjatë filmit: “Kam shumë vite që ëndërroj të bëj një film. Faleminderit Ermal sepse je një njeri jashtëzakonisht kreativ me një zemër shumë të madhe dhe dua shumë që të gjithë të të njohin siç unë të njoh ty. Ka qenë një eksperiencë shumë e bukur dhe ka pasur edhe disa skena që të jem e sinqertë kanë qenë shumë të bukura. Ideja që jam çift në këtë film me vëllain tim sesi nuk më hëngri ajo mortja që duhet të të puthja ty, unë nuk e di.”
https://www.instagram.com/p/BvhgxocnMKT/?utm_source=ig_embed
Rikujtojmë se prej ditës së nesërme komedinë mund ta shohim në të gjitha kinematë në Shqipëri dhe në Kosovë. /revistaclass
