Prej një muaji, këngëtarja Miley Cyrus, 26 vjeç, po shijon romancën e saj të re me 22-vjeçarin Cody Simpson.
Pas divorcit me Liam Hemsworth dhe ndarjes nga shoqja e ngushtë, Caitlynn Carter, Miley është hedhur në krahët e Cody-t dhe duket se gjërat po bëhen serioze.
Megjithëse kanë shumë pak kohë së bashku, këngëtarja e ka ftuar partnerin në dasmën e vëllait të saj, Braison.
Çifti u shfaq i veshur me të zeza, teksa kishin pozuar edhe me anëtarët e tjerë të familjes.
Mesa duket, gjërat mes tyre janë bërë goxha serioze, pasi Miley dhe Cody janë tashmë thuajse të pandashëm nga njëri-tjetri.
Gjatë intervistave, Cody është shprehur shumë i lumtur për romancën e re me Miley-n, ndërsa 26-vjeçarja e ka treguar më së shumti lumturinë e saj nëpërmjet postimeve në Instagram.
