Një sasi rekord prej 617 kg kokainë e pastër është sekuestruar nga policia federale braziliane në një zonë rurale në Brasnorte.
Lënda narkotike u gjet e fshehur në dyshemenë e një kamioni ndërsa 4 persona u arrestuan.
Sipas policisë vendase droga që kapte vlerën e 9 milionë dollarëve kishte si destinacion Evropën.
Ajo që bie në sy është se në pakot e drogës është e stampuar logoja e klubit të futbollit të Elbasanit. Sipas dyshimeve të para thuhet se kjo sasi kokaine do të vinte në Shqipëri.
Policia vendase ka arritur të shkatërrojë edhe laboratorin ku prodhohej, ndërkohë kanë treguar se kjo është sasia më e madhe e kapur për këtë vit.
